Zhbogar takon kryetarin e Kllokotit dhe premton projekte për këtë komunë

Gjilan – Samuel Zhbogar përfaqësues i Komisionit Evropian ka vizituar komunën e Kllokotit ku së bashku me Sasha Mirkoviqin kanë biseduar edhe rreth projektit të KE që janë realizuar në këtë komunë që janë të rëndësishme për qytetarët e kësaj komune multietnike si për zhvillimin e bujqësisë, parandalimin e vërshimeve , zhvillimin e turizmit si dhe për disa aspekte të tjera.

Përfaqësuesi i Komisionit Evropian në Kosovë Samual Zhbogar ka vizituar Komunën e Kllokotit, ku me këtë rast ai është takuar me të parin e komunës Sasha Mirkoviq, si dhe nënkryetarin Refik Halili, ku kanë biseduar lidhur me investimet që Komisioni Evropian i ka financuar në komunën e re të Kllokotit.

Zhbogar dhe Mirkoviq, kanë biseduar edhe rreth projektit të KE që janë realizuar në këtë komunë që janë të rëndësishme për qytetarët e kësaj komune multietnike si për zhvillimin e bujqësisë, parandalimin e vërshimeve , zhvillimin e turizmit si dhe për disa aspekte të tjera.

Kryetari i Komunës së Kllokotit, Sasha Mirkoviq, tha se e ka njoftuar Zhbogarin për të gjitha zhvillimet në këtë komunë, sigurinë si dhe rreth bashkëpunimit në mes të komuniteteve fetare, si dhe realizimin e projekteve nga Komisioni Evropian .

Ai tha se Komuna e Kllokotit e mirëpret bashkëpunimin në mes të Kllokotit dhe Komisionit Evropian duke e cilësuar këtë bashkëpunim si shumë të dobishëm për qytetarët e komunës së Kllokotit.

Ndërsa përfaqësuesi i Komisionit Evropian në Kosovë Samuel Zhbogar tha se është biseduar edhe për zhvillimin e Komunës së Kllokotit si edhe rreth marrëveshjes së prillit që është nënshkruar nga dy kryeministrat ai i Kosovës dhe i Serbisë rreth normalizimit të marrëdhënieve, për çka ata kanë shprehë besimin se kjo marrëveshje do të implementohet në afatin e caktuar ,njofton Aziz Zuka, zëdhënës i komunës së Kllokotit./rajonipress/