Zhbogar: Kosovën e pret rrugë e gjatë drejt BE-së

“Askush s’mund ta arsyetojë pse duhet të përdoret dhunë kundër anëtarit të Kuvendit”. Kështu është shprehur në Rubikon të KTV-së i deleguari i BE-së për Kosovën, Samuel Zhbogar.

Ai ka thënë se për ta ishte zhgënjyes edhe bojkotimi i opozitës për MSA-në, duke theksuar se pas dërgimit të marrëveshjeve në Kushtetuese, opozita duhet ta marrë këtë në konsideratë të paktën për një pauzë dhe ta lejojë Kuvendin që të rinisë funksionimin.

Zhbogar ka theksuar se tërheqja e marrëveshjeve do të ishte një precedent shumë i rrezikshëm për Kosovën, pasi në të ardhmen, një minoritet në Kuvend, me anë të kërcënimeve, gazit lotsjellës dhe armëve të tjera, mund të detyrojë qeverinë që të ndryshojë mendje dhe të tërhiqet nga zotimet ndërkombëtare.

Përfaqësuesi i BE-së për Kosovën, Zhbogar, ka përmendur si pikë të zezë sundimin e ligjit në përgjithësi, mirëpo në mënyrë specifike funksionimin e gjyqësorit, luftimin e korrupsionit dhe krimit të organizuar.

Ai ka thënë se ndërhyrja e politikës në gjyqësor mbetet evidente.