Zhbogar: Gjykata Speciale nuk do të gjykojë UÇK-në, por individët
RajoniPress
21:19, 26 Janar, 2016
“Kjo nuk ka të bëjë me UÇK-në dhe nuk është kundër saj. Gjykimet do t’i gjykojnë individët. Kur të qartësohet kjo e në interes të Kosovës është të qartësohet, kosovarët do të kenë edhe më shumë të drejte që të gjitha krimet e kryera gjatë luftës të qartësohen”, ka deklaruar Zhbogar.
Përfaqësuesi i BE-së në Kosovë, Samuel Zhbogar, ka thënë se Gjykata Speciale do të funksionalizohet sapo të përfundojë finalizimi i marrëveshjes mes Kosovës dhe Holandës.
Në “New Bugajski Hour”, ai ka thënë se Gjykata Speciale nuk do ta gjykojë UÇK-në por individët që dyshohen se kanë kryer krime gjatë luftës.
“Kjo nuk ka të bëjë me UÇK-në dhe nuk është kundër saj. Gjykimet do t’i gjykojnë individët. Kur të qartësohet kjo e në interes të Kosovës është të qartësohet, kosovarët do të kenë edhe më shumë të drejte që të gjitha krimet e kryera gjatë luftës të qartësohen”, ka deklaruar Zhbogar.
Zhbogar: Asociacioni nuk krijon të njëjtën situatë si në Bosnje
Shef i Zyrës së Bashkimit Evropian dhe përfaqësuesi Special i BE-së në Kosovë, Samuel Zhbogar ka deklaruar se BE nuk sheh rrezik që Asociacioni i komunave serbe mund të krijojë një situatë si në Bosnje e Hercegovinë.
Ai në një intervistë në RTK, ka përmendur të arriturat e Kosovës në procesin e MSA-së, liberalizimin e vizave dhe dialogun në mes Kosovës dhe Serbisë, duke arritur që qytetarëve të Kosovës t’ua lehtësojë jetën në Kosovë.
Zhbogar ka arsyetuar numrin më të madh të kushteve për liberalizimin e vizave ndaj Kosovës, krahasuar me vendet e rajonit, duke thënë se BE-ja kishte një përvojë jo të mirë me vendet e rajonit pas liberalizimit të vizave, pasi që u rrit fluksi i qytetarëve që kërkonin të punonin në BE, edhe pse ata nuk kanë këtë të drejt.
Ai tha se në të ardhmen do të duhet edh enjë dialog i brendshëm në mes shqiptarëve dhe serbëve në Kosovë për t’i hequr keqkuptimet që mund të ndodhin.
“BE nuk sheh rrezik që Asociacioni i komunave serbe mund të krijojë një situatë si në Bosnje e Hercegovinë”, ka thënë Zhbogar.
