Zharku premton investime në komunën e Kllokotit

Kllokot – Nënkryetari i Komunës së Kllokotit, Hasan Rashti dhe Drejtori i Administratës dhe Shërbimeve publike, Hidajet Ahmeti u takuan me Ministrin e Infrastrukturës, Lutfi Zharku

Gjatë takimit u diskutua për problemet infrastrukturore në rrugët rajonale dhe magjistrale që prekin edhe Komunën e Kllokotit, si rruga Kllokot-Viti-Ferizaj dhe Ferizaj- Kllokot-Gjilan.

Për këto rrugë nga ministri Zharku u tha se janë në proces të prokurimit dhe po sa të përfundoj ky proces shumë shpejt do të filloj rivitalizimi i këtyre rrugëve.

Me theks të veçantë u diskutua për mundësinë e financimin e disa projekteve infrastrukturore me rëndësi për Komunën e Kllokotit dhe Vitisë.

Mbasi projekti i përbashkët i Komunës së Kllokotit dhe Vitisë për asfaltimin e Rrugës Viti-Mogillë do të financohet në këtë vit nga Ministria e Administrimit të pushtetit lokal në këtë takim u diskutua edhe mundësia e financimit të projektit të rrugës Mogillë-Skifteraj që do të jetë projekt i përbashkët i Komunës së Kllokotit dhe Vitisë.

Ministri Zharku premtoj se me rishikimin e buxhetit nga Qeveria e Kosovës do të bëjmë përpjekje që të futet ky projekt për tu financuar, që është më rëndësi afatgjate për dy komunat thuhet në njoftimin e zyrës për informim të Kllokotit./rajonipress/