Zgjerimi i NATO-s vazhdon me Kosovën

Nga Burim Ramadani – Ballkani Perëndimor është i sigurt, stabil dhe në paqe vetëm me zgjerimin e NATO-s. Kosova është shteti i radhës.

Prezenca e NATO-s në Ballkan, qoftë përmes misioneve, qoftë përmes bashkëpunimit, duhet të vazhdojë. Porse, mënyra e vetme për të pasur paqe të qëndrueshme është që zgjerimi i NATO-s të mos përfundojë.

Kosova është e gatshme qysh sot të fillojë procedurat e anëtarësimit. Para kësaj, një rrugë specifike për Kosovën duhet gjetur nga vet NATO-ja. Më e mira patjetër se do të ishte njohja apo moskundërshtimi nga shtetet jo-njohëse brenda Aleancës. Sidoqoftë, zgjerimi i NATO-s edhe më tutje në Ballkan është garancë për përballje efektive dhe të përbashkët ndaj aktiviteteve armiqësore në rritje të Rusisë.

Kosova do të jetë anëtari i 31-të i NATO-s.

Orientimi dhe vullneti ynë politik e popullor drejt Aleancës Verio-Atlantike është krejtësisht i qëndrueshëm. Kriteret bazike politike, institucionale e ushtarake janë plotësisht të përmbushura, madje edhe më pozitive krahasimisht me shtete tjera. Aspekti gjeo-strategjik dëshmon për një domosdoshmëri zgjerimi me qëllim të përfrocimit të sigurisë në kontinent.

Tashmë, kur Maqedonia e Veriut po bëhet anëtarja e 30-të e NATO-s, rrugëtimi i tillë i Kosovës duhet të përshpejtohet.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).