Zgjedhjet para dhjetorit, të jashtëzakonshme

Zgjedhjet parlamentare, nëse do të mbahen në qershor apo shtator të këtij viti, do të jenë të jashtëzakonshme, pasi që sipas afatit të rregullt nuk mund të mbahen para 21 dhjetorit 2014.Sipas Ligjit për zgjedhjet, përkatësisht nenit 4, zgjedhjet organizohen në çdo katër vjet dhe ato nuk mbahen 60 ditë para ose 30 ditë pas përfundimit të mandatit të Kuvendit.

Marrë parasysh se mandati i Kuvendit aktual ka filluar më 21 shkurt 2011,atëherë zgjedhjet e rregullta parlamentare nuk mund të mbahen para 21 dhjetorit 2014, apo më së voni deri më 21 mars 2015.

Edhe kryetarja e KQZ-së, Valdete Daka, pohon për “Zërin” se zgjedhjet parlamentare shpallen para 21 dhjetorit 2014, atëherë KQZ i trajton si të jashtëzakonshme.(Zëri)