Zgjedhjet nuk e ndryshojnë qasjen e BE-së ndaj Ballkanit Perëndimor

Profesori i marrëdhënieve ndërkombëtare, Afrim Hoti, e ka quajtur lajm të mirë për vendet e Ballkanit Perëndimor rezultatin e zgjedhjeve në Bashkimin Evropian (BE).

Ai ka thënë se me fitoren e forcave pro evropiane nuk do të ketë bllokim të procesit integrues.

Në këtë intervistë dhënë për gazetën “Epoka e re”, Hoti ka deklaruar se qasja e BE-së do të jetë e ngjashme ndaj Kosovës dhe vendeve të tjera të Ballkanit.

Ai nuk e ka hedhur poshtë mundësinë që në takimin e Këshillit të Ministrave të BE-së në qershor të merret një vendim pozitiv për liberalizimin e vizave për Kosovën.

Hoti ka folur edhe për dialogun Kosovë – Serbi, duke thënë se roli dhe pozita e ShBA-së është e pakontestueshme në këtë proces.