Zgjedhjet në 2019 kushtuan 5.2 milionë euro, a ka KQZ para për zgjedhjet e sivjetme

Komisioni Qendror i Zgjedhjeve gjatë ditës së sotme do të mbajë mbledhjen në të cilën do të diskutohet edhe buxheti për zgjedhjet e 14 shkurtit, raporton Express.

Zëdhënësi i KQZ’së, Valmir Elezi, ka thënë për Express se sot do të miratohet planifikimi buxhetor, për të ditur sa përafërsisht do të kushtojë mbajtja e zgjedhjeve.

Elezi deklaroi se për të ditur saktë sa kushton një proces zgjedhor duhet të pritet deri në përfundim të tij, për të pasur një raport përfundimtar rreth shpenzimeve.

“Komisioni Qendror i Zgjedhjeve gjatë ditës se sotme do të bëjë planifikimin buxhetor pra miratojë planifikimin buxhetor që do të thotë sa përafërsisht do të kushtojnë këto zgjedhje, megjithatë duhet të përmendim se ky do të jetë vetëm një planifikim, pas që për të ditur saktë sa kushton një proces zgjedhor duhet të presim përfundimin e tij dhe të gjitha procedurat e tjera, për të pasur një raport përfundimet të shpenzime të procesit zgjedhor. Mirëpo marrim si shembull zgjedhjet e vitit 2019, kostoja e procesit zgjedhor ka qenë 5.2 milionë euro”, ka thënë Elezi.

Zgjedhjet në Kosovë do të mbahen me 14 shkurt./Express/