Zgjedhjet e reja për këshillat kombëtare të pakicave do të mbahen këtë vit

Siç bënë të ditur gazeta “Danas”, kryetari i Komisionit Zgjedhor të Republikan, Vladimir Dimitrijeviq, ka paralajmëruar se në fund të gushtit të këtij viti, do të shpallen zgjedhjet e këshillave kombëtare të pakicave kombëtare në Serbi.

Nga të njëjtat burime mësohet se Dimitrijeviq, në seancën e KZR, ka thënë se këto zgjedhje duhet të mbahen “brenda afatit të caktuar prej 90 ditësh, përkatësisht 120 ditës nga dita e shpalljes së tyre”.

Zgjedhjet për këshillat kombëtare të pakicave shpallen nga Ministria e Administratës Shtetërore dhe Vetëqeverisjes Lokale, e cila tashmë ka miratua vendimin për tarifat, materialet dhe shpenzimet e tjera për zhvillimin e zgjedhjeve. Plani vjetor i prokurimit publik i KZR për vitin 2018 është themeluar në vlerë prej 2.500.000 dinarë pa TVSH, për shërbimet e përkthimit me qëllim të mbajtjes së zgjedhjeve, njofton gazeta “Danas”, transmeton Jetapress.