Zgjedhim foljesh nëpër veta ( Parodi satirike)

Unë vjedh rrymën ,
Ti rrëzon bllokun ,
Ai shpon kazanin ,
Ajo jep lajmin .
Na miliarderë ,
Ju milionerë ,
Ata me fenerë ,
Ato me liderë .

Unë shes karburante ,
Ti shet gjeneratorë ,
Ai shet qirinj ,
Ajo lyen gishtërinj .
Na helmojmë,
Ju frymoni ,
Ata shërojnë ,
Ato fitojnë .

Unë ruaj natën ,
Ti vëre maskën ,
Ai e thyen arkën ,
Ajo na jep darkën .
Na akuzojmë ,
Ju gjykoni ,
Ata ju lirojnë ,
Ato festojnë .

Unë shpalli tenderë ,
Ti apliko ,
Ai fito ,
Ajo këndo .
Na fitojmë ,
Ju mashtroni ,
Ata punojnë ,
Ato vallëzojnë .

Unë rrejë ,
Ti vërteto ,
Ai proklamo ,
Ajo konfirmo .
Na premtojmë ,
Ju mashtroni ,
Ata pësojnë ,
Ato votojnë .

Unë korruptoj ,
Ti korruptohesh ,
Ai dëmtohet ,
Ajo shkatërrohet .
Na pasurohemi ,
Ju dobësoheni ,
Ata varfërohen ,
Ato shëmtohen .

Unë rri nën Urë ,
Ti gjuan me gurë ,
Ai shkrepë rafale ,
Ajo shpifë skandale .
Na rrimë te Ura ,
Ju ndizni vetura ,
Ata gjuajnë granata ,
Ato mbyllin gjykata .

Unë xhiroj ,
Ti shkruaj n’ gazetë ,
Ai raporton ,
Ajo situatë e qetë .
Na mbyllim sytë ,
Ju mësyni me ikë ,
Ata s’ ju dënojnë ,
Ato ju gradojnë .

Unë n’ Kamenicë ,
Ti n’ Graçanicë ,
Ai n’ Deçan ,
Ajo n’ Gazimestan .
Na piskamë ,
Ju hallakamë ,
Ata përleshën ,
Ato përqeshen .

Unë n’ Gjilan ,
Ti n’ Shatërvan ,
Ai n’ Zveçan ,
Ajo n’ Lipjan .
Na me tupan ,
Ju me barazan ,
Ata këndojnë ,
Ato vallëzojnë .

Unë n’ Bruksel ,
Ti n’ zabel ,
Ai n’ Afrikë ,
Ajo n’ Amerikë .
Na n’ Evropë ,
Ju pa ngopë ,
Ata në gropë ,
Ato me lopë .

Unë legjendarë ,
Ti atdhetarë ,
Ai militantë ,
Ajo komandant .
Na bëjmë fushatë ,
Ju me hallakatë ,
Ata të ngratë ,
Ato hanë bukë thatë .

Nga Demir Krasniqi