Zëvendësambasadorja e SHBA’së: Korrupsioni po e pengon zhvillimin e Kosovës

Zëvendësambasadorja e Shteteve të Bashkuara të Amerikës në Kosovë, Jennifer Bachus ka thënë se nuk mund të ketë zhvillim ekonomik pa zhvillim të drejtësisë dhe se çështja e korrupsionit në Kosovë po e pengon zhvillimin ekonomik sepse ajo i ka prekë të gjitha nivelet e shoqërisë.

Ajo këto deklarata i bëri para komunitetit të donatorëve në Forumin e Nivelit të Lartë të organizuar nga kryeministri Isa Mustafa.

Bachus po ashtu ka thënë se SHBA-ja ka mbështetur dhe do të mbështesë fuqishëm zhvillimin e Kosovës në të gjitha fushat.

“Çështja e korrupsionit dhe perceptimit të korrupsionit po e pengon zhvillimin e Kosovës sepse po i prek të gjitha nivelet e shoqërisë dhe mbetet njëra prej pengesave kryesore. Shtetet e Bashkuara dhe Bashkësia Ndërkombëtare do ta ndihmojnë dhe duan ta ndihmojnë prandaj ne kemi ndihmuar në përmirësimin e sigurisë në kufij dhe promovimin e transparencës në procesin publik të tenderëve në Kosovë”, ka thënë ajo./express/