UBT

Zero tolerancë për të gjithë drejtuesit e motoçikletave që bien në kundërshtim me ligjin

/ 2 minuta lexim
Eco Higjiena

Gjilan – Me qëllim të ruajtjes së sigurisë në trafikun rrugor dhe parandalimit të aksidenteve të trafikut, me theks të veçantë të drejtuesve të motoçikletave dhe mjeteve të ngjashme, Drejtoria Rajonale e Policisë në Gjilan ndaj të gjithë drejtuesve të motoçikletave të cilët bien ndesh me rregullat e trafikut rrugor do të i ndërmarr të gjitha masat ligjor, pa përjashtime dhe me zero tolerancë.

Kjo masë vjen si një përgjigje ndaj rritjes se numrit të aksidenteve në të cilat aksidente viktima kanë qenë shoferët e motoçikletave dhe sjelljeve të papërgjegjshme të disa drejtuesve të motoçikletave që rrezikojnë jetën e tyre dhe të pjesëmarrësve të tjerë në trafik. Kontrolli do të jetë intensiv dhe i përhershëm.

Hidromorava

Drejtoria Rajonale e Policisë në Gjilan kërkon që kujdesi dhe përgjegjësia gjatë ngasjes së motoçikletave janë të domosdoshme, andaj:
o Përdorimi i pajisjeve mbrojtëse: Gjithmonë përdorni helmetë të përshtatur mirë. Pajisjet e tjera mbrojtëse si xhaketa, dorezat, mbrojtëset e gjunjëve dhe çizmet janë po ashtu të rëndësishme për të minimizuar dëmtimet në rast të aksidenteve.
o Kontrolloni i motoçikletës: Para çdo udhëtimi, kontrolloni gjendjen e motoçikletës tuaj.
o Respektoni i rregullat të trafikut: Respektoni gjithmonë sinjalizimet dhe rregullat e trafikut. Mos ngisni me shpejtësi të lartë dhe respektoni kufizimet e shpejtësisë në zona të ndryshme. Kujdesuni që të jeni të dukshëm, veçanërisht gjatë natës ose në kushte të këqija të motit.
o Ngasja e sigurt dhe e përgjegjshme: Mbani distancën e duhur nga mjetet e tjera dhe mos bëni manovra të rrezikshme. Gjithashtu, shmangni ngasjen nëse jeni të lodhur ose nën ndikimin e alkoolit apo substancave të tjera.
Njësitet policore të Drejtorisë Rajonale të Policisë në Gjilan në kuadër të zbatimit të planit operativ ‘’Motoçikletat’’ vetëm gjatë javës së kaluar për shkak të parregullsive të ndryshme kanë përjashtuar nga komunikacioni dyzet e tetë (48) motoçikleta dhe janë shqiptuar tetëdhjetë e shtatë (87) gjoba ndaj ngasësve të motoçikletave njoftoi policia e Gjilanit./rajonipress/