Zeqirja Rexhepi tregon anën humane, i dhuron konsullatës në Kanada dy piktura

Zeqirja Rexhepi, artist nga Gjilani që jeton dhe vepron në Halifax të Kanadasë të martën i ka dhuruar konsullatës shqiptare dy piktura të mrekullueshme të heronjve tanë kombëtar, njëra vepër e tij, tjetra e djalit të tij Arbërit.

Zeqirja Rexhepi me të drejtë mund të quhet një maestro në afirmimin e Kosovës në arenën diplomatike. Punën e tij të mrekullueshme, dhe kolosale e shfrytëzojë jo vetëm për vetën, por edhe për ta nderuar popullin e Kosovës dhe vet shtetin e saj.

Zeqirja Rexhepi piktor profesionist, ligjërues universitar, dizajner, skenarist filmash, ka bërë një emër të njohur në tërë Kanadanë e më gjerë.

Edhe në këtë rast Zeqirja Rexhepi ka treguar shpirtin e tij të madh prej artisti duke ofruar pasurinë e tij artistike në shërbim të konsullatës kosovare në Kanada. “Këtë gjest e bëra me zemër dhe me shumë dashuri sepse në konsullatë vijnë dhe frekuentojnë shumë figura e personalitete të shquara, andaj dëshira ime ishte e madhe që aty të kemi figura të njohura kombëtare siç është Skënderbeu” u shpreh Zeqirja Rexhepi.

Rexhepi është i bindur se arti dhe në veçanti krijimtaria e vlefshme e artistëve dhe krijuesve kosovarë mund të ndihmojë shumë diplomacinë kosovare./rajonipress/