Zenunaj përballë Chakimit

Boksieri pejan, Dardan Zenunaj, më 15 nëntor do të ketë shansin që të fitojë titullin e kampionit botës në boks për peshën super pendël. Zenunaj për kundërshtar do të ketë boksierin Karim Chakim.

Pas nëntë fitoreve dhe vetëm një humbje, boksieri shqiptar do të sfidojë titullin e kampionit të botës të versionit WBA International International (World Boxing Assotiation) në peshën super pendël. Dueli do të zhvillohet më 15 nëntor në qytetin Namur të Belgjikës dhe pritet të zgjat 12 runde.

Kundërshtari i tij është me më shumë përvojë ndërkombëtare, Karim Chakim i cili deri më tani ka 27 fitore (11 me nokaut), 9 humbje dhe një barazim. Zenunaj, 27 vjeçar nga Peja është profesionist nga viti 2011, ndërsa deri më tani në nëntë fitore shtatë me nokaut dhe vetëm një humbje, ka fituar titullin e kampionit të Belgjikës në peshën pendël dhe atë të versionit botëror, IBO International (International Boxing Organization).