Zenun Pajaziti: Do ta kthejmë PDK në pozitën e parë në Gjilan

Gjilan – Jam i bindur se bashkë do të punojmë mirë, sepse kemi marrë përgjegjësi shtesë të angazhimit tonë politik për ta kthyer PDK-në dhe Komunën e Gjilanit në pozitën e parë. PDK ka dhënë shembullin e saj të organizimit të mirë politik, por edhe të qeverisjes së mirë sa ishte në udhëheqje të Komunës së Gjilanit ka thënë Zenun Pajaziti në takimin me gratë e PDK-së.

Gruaja Demokratike e Kosovës (GDK) në Gjilan është pjesë e pandashme dhe aktive e organizimit politik të PDK-së, ishte përherë forcë e politikbërjes në shumë procese politike që udhëheqte PDK, kështu u tha në takimin që pati kryetari i Degës së PDK-së në Gjilan, Zenun Pajaziti me struktura të Gruas Demokratike (GDK), ku fuqishëm nga ato mori përkrahjen për angazhim të përbashkët politik, me energjinë, entuziazmin dhe forcën që ka PDK, që në të ardhmen këtë potencial ta shndërrojmë në fitore.

Në këtë takim Pajaziti, u shpreh mirënjohës për angazhimin e shumë zonjave dhe zonjushave, duke u ndje krenar që në mesin tonë kemi zonja të cilat me dekada ishin në aktivitete politike ku dhanë kontributin e çmuar të tyre.

“Jam i bindur se bashkë do të punojmë mirë, sepse kemi marrë përgjegjësi shtesë të angazhimit tonë politik për ta kthyer PDK-në dhe Komunën e Gjilanit në pozitën e parë. PDK ka dhënë shembullin e saj të organizimit të mirë politik, por edhe të qeverisjes së mirë sa ishte në udhëheqje të Komunës së Gjilanit, prandaj edhe nga ky takim bëjë thirrje duke inkurajuar edhe zonja e zonjusha të tjera t’i bashkohen platformës së PDK-së për ecjen e përbashkët e shpresëdhënëse për Komunë tonë” ka thënë Pajaziti thuhet në njoftimin e PDK-së./rajonipress/