Zënkë në mes të shqiptarëve, një i vrarë e dy të plagosur

Në një zënkë që ka ndodhur në mes të një grupi shqiptarësh pas një ndeje (party) në një lokal argëtimi në periferi të Linzit, ka mbetur një i vrarë dhe dy të plagosur.Krimi ka ndodhur rreth orës 3 të mëngjesit ndërsa viktima është vrarë nga goditjet me thikë, njoftojnë mediet austriake si oe24.at, krone.at etj.

Personi i vrarë, siç bën të ditur policia, është një i ri 26 vjeçar ndërsa ende nuk bëhet e ditur prejardhja e tij, transmeton albinfo.ch mediet austriake.

Dy të plagosurit, njëri prej të cilëve në gjendje të rëndë, janë transportuar në spital.

Ende nuk është e qartë nëse në konfliktin me thika kishte edhe pjesëmarrës tjerë përveç sulmuesit dhe viktimave.

Personi me plagë të rënda ende nuk është në gjendje të flasë ndërsa ai i plagosur më lehtë, një 33 vjeçar tashmë është marrë në pyetje.

Vazhdon të mbetet i panjohur si autori ashtu dhe motivi i vrasjes. Policia nuk përjashton mundësinë që njëri nga të plagosurit të jetë vrasësi. /albinfo/