“Zemra ime”, thotë Mirsa Kërqeli në këngën e re

Artistja e njohur shqiptare, Mirsa Kërqeli, ka prezantuar projektin e ri muzikor.

“Zemra ime” mban titullin kënga, të cilën e ka sjell të kompletuar edhe me videoklip.

Ajo thotë se ky është projekti më emocional që ka realizuar dhe që e ka kënduar me gjithë shpirt.

“Të dashur miq, adhurues të këngës time, kjo është kënga ime më e re e kënduar me shumë zemër dhe dashuri. Zemra ime është një nga projektet e mia më emocionale dhe e kënduar me gjithë shpirt”, u shpreh ajo.

“Shpresoj që ta përçoj atë emocion dhe ndjenjë edhe tek ju nga kjo këngë. Shpresoj ta gjeni veten gjithë secili në ndonjë fjali”, vazhdoi më tej Kërqeli.

Teksti dhe muzika u realizua nga Kreshnik Avdiu, kurse për orkestrimin u kujdes Wirusi.

Të plotë tashmë e gjeni në platformën zyrtare të Produksioni Arboni në YouTube. /Telegrafi/