Gjilan – Baticat e zbaticat tek “bardhekuqët” e Gjilanit, filluan që kur kryetari i SC Gjilanit Florim Zuka, u deklarua se nuk do të jetë i gatshëm për t`i prirë në vazhdim SC Gjilanit.
Trajneri Zekrija Ramadani në fillim të kampionatit erdhi në stolin e “bardhe kuqëve” me aspirata të mëdha, por që në fillim të kampionatit gjërat ndërruan rrënjësisht në klubin e SC Gjilanit, duke mbetur në mëshirë të fatit. Edhe pse me paga brenda klubit nuk janë aq mire, trajneri Ramadani ka theksuar se gjerë në fund të kampionatit vjeshtorë do ta mbanë fjalën e tij.
“Nëse një punëtor punon 3-4 muaj dhe pagën e tij nuk e merr si do të ndihet ai punëtor, ashtu është edhe me mua dhe futbollistët, por ne kemi dhënë fjalën së bashku gjerë në fund të kampionatit se edhe nëse nuk marrim asnjë cent do të qëndrojmë në klub. Jemi duke bërë të pamundurën që të tubojmë sa më shumë pikë për hirë të klubit e tifozëve të sajë. Ramadani, gjithashtu tregoj edhe për qëllimet e skuadrës. “Qëllimi ynë është që të mbetemi në tri pozitat e para për t’ju mundësuar donatorëve të ri që të joshën më lehtë, ndërsa nëse jemi në pozitat 7-8 atëherë edhe donatorët do të jetë vështirë që të interesohen”, ka bërë të ditur trajneri Ramadani.
Ndërsa, Zekrija Ramadani, pati një falemnderim special për tifozët “Skifterat”, ku theksoi së ata janë arma e tyre më e fort në këto momente të vështira.
Skuadra e Gjilanit pas 15 ndeshjeve të zhvilluara në Superligë, gjendet në pozitën e katërt me 23 pikë, ndërsa ditën e enjte zhvillon derbin e qytetit kundër Dritës./rajonipress/
