Zejnullahu: Do ta ndali të keqen në UP

“Kërkojnë hise në qeverisje”, ka thënë ai. Ai ka thënë se UP është e gatshme t’i trajtojë si kategori të veçantë fëmijët e dëshmorëve.

“Unë iu kam transmetuar qartë idenë time Shoqatave të Luftës. U kam thënë se ka një kategori që ne do ta trajtojmë si kategori të veçantë, e ata janë fëmijët e dëshmorëve. Por, këtë nuk e kanë transmetuar as mediat as askush tjetër”, ka thënë Zejnullahu.

Përkitazi me fëmijët e dëshmorëve, ka marr si shembull Fakultetin e Mjekësisë. Në emër të fëmijëve të dëshmorëve, në këtë fakultet kanë aplikuar 35 persona, ndërsa janë pranuar 19. Por, kur është bërë verifikimi i të pranuarve del se vetëm gjashtë nga ta kanë qenë vërtet fëmijë dëshmorësh.

Ai ka thënë se do të përpiqet ta ndal të keqen në UP dhe se janë në rrugë të mbarë për t’ia arritur qëllimit.

Sipas tij, Universiteti i Prishtinës po pastrohet dita-ditës, ndërsa premtoi se nuk do të dorëzohet para sfidave dhe të keqes.

“Nuk do të ndryshoj asnjëherë”, ka thënë Zejnuallahu.

Ai ka shtuar se tani më janë duke e bërë skanimin e doktoratave të të gjithë stafit akademik që ato të jenë të qasshme për publikun.

“Gjithçka do të jetë më transparente”, ka thënë ai.