Uji Dea

Zbulon njerëzit që fshehin milionat në Zvicër, arrestohet gazetari

/ 2 minuta lexim

Athinë – Reagime të jashtëzakonshme ka shkaktuar në Greqi urdhri i autoriteteve të rendit për arrestimin e një gazetari hulumtues, i cili në revistën e tij ka publikuar një listë me rreth 2 000 emra grekësh me llogari në bankat zvicerane, midis të cilëve ka edhe emra të elitës politike dhe asaj të biznesit të vendit.

Urdhër arresti i lëshuar nga një prokuror i Athinës për botuesin e revistës HOT-DOC, Kostas Baksevanis, jepet në një moment kur nga njëra anë qeveria greke përpiqet të zbulojë dhe të luftojë evazionin fiskal, por nga ana tjetër siç vërtetohet, po shmanget zbulimi i emrave të këtyre personave që dyshohet se kanë fshehur të ardhurat e tyre dhe nuk kanë paguar taksat përkatëse.

I fshehur në një shtëpi në Athinë, gazetari që akuzohet se ka shkelur ligjin për publikimin e të dhënave personale, shprehet se arrestimi i tij është një grusht ndaj fjalës së lirë.

Lista e botuar nga revista greke i është dhënë në mënyrë konfidenciale nga ish-ministrja franceze e Financave, Christine Legarde, tashme kreu i FMN, pastaj ish-ministri grek Jorgos Papakosntandinu, qysh në vitin 2010. Por ky i fundit jo vetëm që nuk e ka dorëzuar tek autoritet greke, por e ka fshehur dhe më pas ja ka dhënë pasardhësit të tij Evangjelos Venizellos, ndërsa në komisionin parlamentar ka theksuar se e ka humbur.

Fidanishtja

Lista përmban midis të tjerash emrat e disa politikanëve, pronarëve të grupeve mediatike, biznesmenë të njohur në vend. Lajmi ka bërë bujë të madhe edhe në mediat botërore, Wall Street Journal, Reuters, Figaro etj, raporton Top Channel.

Kreu i partisë më të madhe opozitare të radikalëve të majtë, Aleksis Tsipras ka deklaruar se Greqinë gjithë këto vite e ka udhëhequr një mafie e oligarkisë ekonomike, politike dhe mediatike, në bashkëpunim me një sistem politik te falimentuar.

Në mbrojtje të gazetarit hulumtues kanë dalë me mijëra gazetare, njerëz të thjeshtë dhe të rinj që kanë krijuar edhe një grup në mediat sociale për mbështetjen e tij.