Zbulohet pllaka kushtuar Enver Ramadanit, ai vazhdon të mbetet synonim i demokracisë dhe lirisë

Gjilan – Figura e Enver Ramadanit i cili në zyrat e UDB-së në vitin 1990 ishte keqtrajtuar në mënyrat më shtazarake, deri në kastrim, ka marrë dimension jo vetëm rajonal, por mbarë kosovarë dhe më gjerë ka thënë Musa Sabedini. Zbulimin e pllakës e kanë bërë motra Fekrije Ramadani, Valentina Bunjaku, Rexhep Kadriu, Shefket Musliu dhe Izmi Zeka. Enver Ramadani tani përjetësisht bëhet pjesë e historisë së Kosovës u tha në tubim.

Të shtunën në prani të shumë personaliteteve nga Lugina, Gjilani, Kosova e Shqipëria është zbuluar pllaka – memoriali kushtuar Enver Ramadanit i cili në vitin 1990 nga torturat serbe kishte bërë vetëvrasje.

Bekim Sabedini në cilësinë e organizatorit tha se pllaka memoriale i kushtohet një figure domethënëse për Kosovën.

Kurse në emër të bashkëvendësve foli gazetari Musa Sabedini i cili tha se Enver Ramadani tashmë i kaloj kufijtë rajonal sepse ai është i Kosovës dhe për Enverin duhet të flasin Bruksesli, Strasburgu dhe me rastin e tij duhet të merren gjitha prokurorit e mundshme.”Enveri nuk pati parti sepse ai ishte synonim i demokracisë, lirisë e pavarësisë së Kosovës. Enveri pas Ylfete Humollit është dëshmori më i ri që u vra nga UDB-ja famëkeqe serbe”.

Sabedini tha se vetëvrasjen e tij klinikisht e kishte konstruktuar UDB-ja dhe argatët e saj, por nuk është mirë që sakrifica e tij të harrohet e aq më parë të injorohet. “Gjeneratat e reja do të jenë kujdestar të përhershëm të sakrificës së madhe që bëri Enveri për të jetuar qenia shqiptare e lirë dhe me dinjitet. Enver Ramadani ishte viktimë e politikës së çmendur serbomadhe” ka thënë Sabedini.

Kurse Valentina Bunjaku Rexhepi tha se vërtet figura e Enver Ramadanit duhet të trajtohet maksimalisht sepse i takon një brezi të ri që flijoi jetën për ta gëzuar ne sot lirinë.

Rexhep Kadriu zv.ministër tha se figura dhe kontributi i Enver Ramadanit dëshmon rezistencën e shqiptarëve për liri e shtet sovran,”Të gjithë duhet të kujdesemi që kjo pllakatë dhe ky memorial të jetë pikëtakim për të gjitha institucionet komunale” tha Kadriu.

Izmi Zeka zv.ministër tha se është e vërtetë që për figurën e Enver Ramadanit duhet të merren edhe historian e ekspert të kësaj lamie.”Enveri tejkalon dimensionet lokale dhe kombëtare dhe gjeneratat dhe pushtetet e kanë për obligim të kujdesen dhe ta qesin në dritë rastin e Enverit” tha Zeka.

Në tubim kanë folur edhe veteran të UÇPMB-së, luftëtar të UÇK-së kurse në emër të familjes ka përshëndetur Fekrije Ramadani e cila ka falënderuar të gjithë që janë kujdesur që Enveri meritueshëm të trajtohet.

Ndryshe më 1 mars 1990 ndahet nga jeta në moshën 17 vjeçare Enver Ramadani nga Stublina e Gjilanit. Vdekja e tij ishte konstruktuar klinikisht nga UDB-ja serbe. Edhe pas kaq vitesh nga vdekja e tij Enveri vazhdon të mbetet frymëzues i luftës për liri e pavarësi. Enveri ngriti dy gishtat e fitores përpara automatikëve e tankeve të policisë dhe ushtrisë që vriste dhe zhdukte rezistencën shqiptare. Enveri është i Kosovës dhe i kalasë së saj për liri dhe pavarësi. Andaj, Enveri ka merituar dhe meriton një përkujdesje më të madhe të institucioneve kosovare.

Vetëvrasjen e tij klinikisht e kishte konstruktuar UDB-ja dhe argatët e saj, por nuk është mirë që sakrifica e tij të harrohet e aq më parë të injorohet. Gjeneratat e reja do të jenë kujdestar të përhershëm të sakrificës së madhe që bëri Enveri për të jetuar qenia shqiptare e lirë dhe me dinjitet.

Enver Ramadani ishte viktimë e politikës së çmendur serbomadhe.

Tani pas 30 vitesh nga ndarja e tij Enveri mund të harrohet nga klasa politike apo institucionet e përgjumura lokale e qendrore, por nuk mund të harrohet heroizmi i tij dhe vetëflijimi i tij që bëri në emër të luftës së popullit shqiptar për të mos qenë i nënshtruar dhe i përbuzur.

Enveri duroi torturat më të tmerrshme dhe përjetoj dhunën më të egër në moshën 17 vjeçare. A ka më rëndë se një djalosh si Enveri ta flijoj jetën si revoltë që kriminelët serb i bënë me tortura e dhunë egërsie.

Enver Ramadani është përkujtuar shumë herë në forma e mënyra të ndryshme. Është kërkuar disa herë që përgjegjësit e vdekjes së tij të dalin para drejtësisë. Krimi vjetrohet, por kurrë nuk harrohet. Por a duhet të harrohet nga shoqëria kosovare sakrifica e Enverit.

Në një konferencë shkencore të organizuar nga KMDLNJ para disa vitesh veprimtari Hydajet Hyseni pati thënë se e vërteta nuk guxon as të rrudhet e as të deformohet.

Kurse Behxhet Shala kishte thënë se rasti i Enver Ramadanit duhet të trajtohet nga gjykatat vendore për të dërguar lëndën pastaj në Hagë dhe Strasburg.
“Krimi mund të vjetrohet, por kurrsesi të harrohet”. Kjo ishte porosia që kishin dhënë historianët për rastin e Enverit.

Figura e Enver Ramadanit i cili në zyrat e UDB-së në vitin 1990 ishte keqtrajtuar në mënyrat më shtazarake, deri në kastrim, ka marrë dimension jo vetëm rajonal, por mbarë kosovar dhe më gjerë.

Historiani, Shkëlzen Raça (tanimë i ndjerë) ka thënë se Enveri në kontestin historik ishte ndër të parët që pa hezitim iu përgjigj kushtrimit të lëvizjes gjithëshqiptare në Kosovë. “Enver Ramadani nuk do të harrohet nga historia, sepse qeveritë e ndryshme mund të harrojnë, por jo edhe populli. Veprimtaria e Enver Ramadanit e këtij ndërtuesi të kalasë do të përkujtohet gjeneratë pas gjenerate. Enver Ramadani si dhe tërë rinia e Kosovës janë modeli më i mirë i disponimit liridashës në shkallën më të lartë kombëtare. Enveri pati guxim sepse manifestoj guximshëm kundër sistemit dhunues serb. Ajo që bëri policia e viteve të 90`ta ishte krim sepse e dëmtuan me metodat më të tmerrshme”pati deklaruar Raça.

Ndërsa, Behxhet Shala nga KMDLNJ ka thënë se rasti i Enver Ramadanit ka qenë ndër më të rëndët të asaj kohe. “Ky rast në vitet e 90`ta ka shkuar edhe në Kongresin Amerikan, por mjerisht sot edhe historinë po na e shkruajnë të tjerët. Po mungon përkujdesja institucionale sepse rastet po mbesin në harresë. Shteti nuk po ka vullnet për t`i trajtuar këto raste. Rasti i Enverit duhet të trajtohet në gjykatat vendore e tek pastaj lënda duhet të dorëzohet në Gjykatën e Hagës dhe në Strasburg” pati deklaruar Shala.

Edhe, Hydajet Hyseni ka thënë se në rastin e Enver Ramadanit përgjegjësia nuk është individuale, por shtetërore. “Nuk ka formë dhe metodë gjenocidiale që Serbia s`ka përdorur mbi popullin e Kosovës. E vërteta për rastin e Enverit duhet të sensibilizohet sepse dimensioni i keqtrajtimit që është bërë ndaj tij tregon për metodat më brutale dhe më çnjerëzore që ka përdorur Serbia. E vërteta nuk guxon të tkurret e as të deformohet” ka deklaruar Hyseni.

Kurse, Shemsedin Piraj avokat ka shtuar se rasti i Enverit duhet të marrë jehonë sepse kastrimi është i ndaluar më të gjitha konventat ndërkombëtare.

Xhymshit Xhymshiti ish gjykatës ka thënë se Enveri është maltretuar rënd nga sigurimi shtetëror. “Enveri ka treguar guxim dhe forcë intelektuale, dhe ishte i dalluar në demonstratat e vitit 1990”.

Kurse, Halit Rexhepi ish kryeshef i sigurimit në kohët e viteve të 1990 ka shtuar se Enver Ramadani ishte viktimë e politikës së çmendur serbomadhe. “Nuk është heshtur rasti i vdekjes së Enver Ramadanit nga ana jonë. Sikur mos të kishim bërë këtë përpjekje nuk do të kisha pasur guximin moral dhe njerëzor që të dal para jush dhe familjes së nderuar të Enver Ramadanit” ka thënë Rexhepi.

“Enver Ramadani ngriti dy gishtat e fitores përpara automatikëve e tankeve të policisë dhe ushtrisë që vriste dhe zhdukte rezistencën shqiptare. Enveri është i Kosovës dhe i kalasë së saj për liri dhe pavarësi. Andaj, Enveri ka merituar dhe meriton një përkujdesje më të madhe të institucioneve kosovare. Vetëvrasjen e tij klinikisht e kishte konstruktuar UDB-ja dhe argatët e saj, por nuk është mirë që sakrifica e tij të harrohet e aq më parë të injorohet. Gjeneratat e reja do të jenë kujdestar të përhershëm të sakrificës së madhe që bëri Enveri për të jetuar qenia shqiptare e lirë dhe me dinjitet” ka thënë Nijazi Ramadani në emër të familjes derisa ka thënë se familja e dinë që vrasësi i vërtet i Enverit është polici serb Pera Trajkoviq nga Zhegra e Gjilanit.

Kush ishte Enver Ramadani

Enver Ramadani lindi më 01.02.1973 në Stublinë të Komunës së Gjilanit në një familje punëtore dhe atdhetare.

Nga Stublina në vitin1982 kjo familje shpërngulet në Gjilan, ku edhe Enveri përfundoi mësimet e shkollës fillore. Më pastaj ai vazhdoi mësimet në shkollën e mesme teknike. Demonstratat e vitit 1990 e gjetën atë në vitin e parë të shkollës së mesme, ku edhe iu bashkua atyre krah përkrah me Reshat Ymerin i cili qe vra mu pranë tij, ku edhe ishin plagosur edhe shumë të tjerë.

Në ato demonstrata u bie në sy policisë dhe bashkëpunëtorëve të tyre të cilët më vonë më 20.02.1990 para shtëpisë e arrestojnë në prani të motrës.

Pasi që e dërgojnë në stacionin policor ai i nënshtrohet formaliteteve më barbare që ka njohur ndonjëherë historia e përvuajtjeve . Ai përveç ofendimeve në baza morale dhe kombëtare i nënshtrohet edhe dhunës me elektroshok e deri te metodat më çnjerëzore për dëmtimin e organeve gjenitale – kastrim për t`i thënë se tash nuk do të lindësh më fëmijë shqiptar.

Ai në këtë kohë vetëm sa i pat mbushur 17 pranvera. E përjetoi rëndë këtë situatë dhe përkundër vizitave të panumërta dhe kujdesit si të shokëve, të afërmve, bashkëmocanikëve të vet që ta përballojë këtë situatë ai nuk arriti ta tejkalojë dhe vendosi që këtyre vuajtjeve të ju jep fund duke marrë një litar të vogël dhe duke u varë në ambientet e shtëpisë së vet.

Varrimi i tij bëhet me 1 mars 1990 dhe mbahet mend gjithmonë për nga numri i pjesëmarrësve rreth 15.000 vetë të cilët ia dhanë lamtumirën e fundit shkëndijës së re të një lufte të ardhshme të popullit të Kosovës për liri dhe pavarësi./rajonipress/