Shkencëtarët britanikë kanë bërë një hap të madh në luftën për shërim të fëmijëve që vuajnë nga alergjia ndaj kikirikëve.
Një formë e imunoterapisë me sukses e ka mundur alergjinë e katër prej pesë fëmijëve që kanë pasur reagime alergjike të rrezikshme për jetën nga kikirikët.
Trajtimi zhvillohet duke i ekspozuar fëmijët ndaj sasive të vogla të kikirikëve dhe atë në formë të pluhurit të përzier me ushqim tjetër.
Ajo sasi e vogël vazhdimisht është rritur në tre ose katër muajt në vijim. Në fillim trajtimi bëhet në spital, për shkak të reagimit të bujshëm të mundshëm alergjik, e më pas atë mund ta mbikëqyrin prindërit në shtëpi.
Në fund të trajtimit, transmeton gazeta “Kosova Sot Online”, fëmijët e moshave mes 7 dhe 16-vjeçare, kanë qenë në gjendje që t’i hanë madje pesë kikirikë menjëherë, ka zbuluar studimi i spitalit ‘Addenbrooke’ në Kembrixh.
