Zbulohet e kaluara e shthurur e Bill Gates

Bill Gates nuk ka qenë thjesht një person i fiksuar pas kompjuterëve dhe programeve. Përkundrazi, ai ka qenë një beqar që shkonte në klube striptizmi dhe shpesh herë i merrte ato në shtëpinë e tij në Seattle.

Kështu shkruan biografi i tij James Wallace, i cili ka shkruar dy libra për Bill Gates në vitin 1990, pak pasi ai u bë miliarderi më i ri në botë.

Ëallace ngre dyshime nëse Gates do t’i rikthehet sërish asaj mënyre jetesë tani që është divorcuar.

“Shumë nga të rintjë që themeluan Microsoftin në atë kohë, ishin djem të rinj me bluza me njolla picash, të cilët për dy ose tre ditë i gjeje duke punuar në kodin e softuerit. Por më pas ata mbanin disa festa mjaft të egra, ku dilnin dhe merrnin striptistë në Seattle dhe i çonin në shtëpinë e Billit, ku notonin lakuriq në pishinë.” shkruan Wallace.

Kujtojmë se një nga çiftet më të pasura në botë, Bill dhe Melinda Gates kanë deklaruar divorcin, që i jep fund martesës së tyre prej pothuajse tri dekadash. Për herë të parë, çifti u takua në vitin 1980, kur Melinda iu bashkua Microsoftit.

Çifti i miliarderëve janë prindër të tre fëmijëve, Jennifer, Phoebe dhe Rory. Ata janë bashkëthemelues të organizatës Bill & Melinda Gates Foundation. Fondacioni ka si qëllim dhe shpenzon me miliarda para për të luftuar kauza të tilla si sëmundjet infektive apo inkurajimin e vaksinimit te fëmijët.