Zbulohet çaji që vret kancerin

Vetitë shëruese të këtij lloji të çajit njihen qëmoti, mirëpo risia për të gjithë ne është se ky lloj i ajit vret qelizat e kancerit.

Kjo do të mund të ndikonte në prodhimin e ilaçeve të reja për ta luftuar këtë sëmundje. Së fundi është zbuluar se një përbërës nga çaji i gjelbër vret qelizat e kancerit në gojë, e qelizat e shëndosha më pas mbesin të paprekura. Tash e një kohë të gjatë është vërtetuar se ky lloj i çajit është shërues, e tani shkencëtarët e kanë zbuluar edhe arsyen. Ky zbulim, shpresojnë shkencëtarët, do t’i dërgojë në trajtime të reja në shërimin e kancerit të gojës, por edhe për format e tjera të kancerit.

Shkencëtarët nga “Penn State Univesity” në Amerikë kanë zbuluar një përbërës unik dhe shumë interesant, që njeh edhe qelizat e prekura apo të dëmtuara. Hulumtimet kanë vërtetuar se substanca e emërtuar “epigalokatehin-3-galat”(EGCG), përbërës nga çaji i gjelbër, vret qelizat e kancerit në gojë, duke mos i dëmtuar qelizat e shëndetshme me atë rast.

Çaji i gjelbër qetëson nervat, por edhe është i efektshëm për ata që janë në dietë. Shkencëtarët besojnë se substanca “EGCG” nxit procese të ndryshme në mitokondri – organelet që prodhojnë energjinë – që sjell deri te vdekja e qelizave, e me atë rast “godet” vetëm qelizat e sëmura.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).