Zbardhet kërkesa e SC Gjilanit për sigurinë e ndeshjes

Është përfolur shumë për kërkesën e SC Gjilanit për sigurimin e ndeshjes së 27 të Superligës së Kosovës në futboll në mes Gjilanit e Ballkanit, e cila u ndërpre nga disa individ të cilët sulmuan portierin e Ballkanit, Stivi Frashëri duke i shkaktuar lëndime të rënda trupore.

Zëdhënësi i policisë së Rajonit të Gjilanit, Ismet Hashani ka sqaruar këtë enigmë. “Ne kemi marrë një kërkesë nga SC Gjilani të cilët kanë kërkuar 10 policë, për të siguruar ndeshjen Gjilani-Ballkani, por ne kemi dërguar edhe 10 policë tjerë shtesë me detyrë shtesë të rregullt dhe 6 policë të njësive mbështetëse për gjyqtarët e kësaj ndeshje, gjithsej nga ana jonë kanë qenë 26 policë në këtë ndeshje dhe po e përsëris kërkesa ka qenë vetëm për 10 policë” ka thënë Hashani./rajonipress/

Shpërndaje.
© RAJONIPRESS