Zanfina Xhemajli rikthehet te kampionet e Dritës

Volejbollistja Zanfina Xhemajli e cila karrierën e kishte filluar që nga mosha 10 vjeqare në KV Drita, pas një viti të qëndrimit të saj në KV Gryka të Drenasit nga ky edicion i garave i është rikthyer skuadrës ku filloi karrierën e saj në KV Drita.

Xhemajli për një vit në KV Gryka dha kontribut të saj të madh, duke pasur paraqitje brilante tek vashat e Drenasit.

Volejbollistja gjilanase, Zanfina Xhemajli, e cila është një talente e madhe në rolin e qendrës është një përforcim i madh për skuadrën e Dritës.

“Për shkak studimeve dhe ndërrimit të ambientit për një vit isha pjesë e Grykës nga Drenasi, në këtë mjedis kam kaluar qaste tejet të mira dhe publikisht i falënderoj për mikpritjen që ma kanë bërë dhe për mua ishte kënaqësi të jem pjesë e asaj skuadre”, ka bërë të ditur Xhemajli.

Njëra ndër qendrat më të mira në volejbollin e Kosovës, Zanfina Xhemajli, për rikthimin e saj në klubin e Dritës, ka theksuar se ndihet e lumtur për rikthimin e saj.
“Në KV Drita kam filluar hapat e parë të volejbollit që nga mosha 10 vjeçare, jam e lumtur që jam rikthyer në këtë skuadër ku njeherit e kam edhe shoqërinë time, unë do të jap më të mirën për sukseset e skuadrës dhe shpresoj se edhe në këtë vit do të dalim fitues si në Kupën e Kosovës njashtu
edhe për titull të kampionit pasiqë në mesin e Dritës ka volejbolliste tejet të mira por edhe organizimi i klubit është shembullor”.

Talentja e madhe e volejbollit, Zanfina Xhemajli shpreson se shumë shpejt do të jetë pjesë e Përfaqësueses së Kosovës në volejboll./rajonipress/