Në Beograd, u organizua një takim miqësor me Ambasadorët e Shteteve Arabe, të cilët në emër të Bashkësisë Islame të Serbisë i priti Z/reisi i Rijasetit, Myftiu Nexhmedin ef. Saqipi.
Në një bisedë të këndshme e miqësore, ambasadorët treguan interesim të veçantë për gjendjen e myslimanëve dhe jetën e tyre në Preshevë, Bujanoc dhe Medvegjë. Z/reisi i Rijasetit, Myftiu Nexhmedin ef. Saqipi, tha se myslimanët në këtij rajoni, kanë gjithçka që u nevojitet, ashtu si të gjithë qytetarët e tjerë të Republikës së Serbisë.
Në vazhdim z/Reisi Saqipi, theksoi se shteti i Serbisë ka treguar mirëkuptim për nevojat e të gjithë besimtarëve, prandaj edhe për myslimanët e Preshevës, Bujanocit dhe Medvegjës, dhe një numër i mjaftueshëm i mësuesve fetarë të fesë Islame nga Rijaset, janë punësuar këtë vit, i cili, siç theksoi ai, përveç përmbushjes së obligimit ndaj fëmijëve që dëshirojnë të ndjekin arsimin fetar Islam, ka ndihmuar edhe mësuesit e fesë duke u mundësuar atyre të marrin pagat e tyre si dhe të marrin sigurime sociale dhe shëndetësore.
z/Reisi Saqipi, ka shfrytëzuar darkën miqësore për të forcuar marrëdhëniet me ambasadorë të caktuar, por edhe për të filluar kontaktet me ambasadorë, të cilët nuk i kishte takuar më parë, njofton Jetapress.
