Ymeri: Specialja suspendon rregullin kushtetues
Kryetari i Lëvizjes Vetëvendosje, Visar Ymeri, ka thënë se për Kosovën kërkesa për të themeluar gjykatë speciale është realisht kërkesë për të hequr dorë nga sovraniteti i saj shtetëror.
Ymeri, ka thënë se themelimi i Gjykatës Speciale është kërkesë për heqje dorë nga sovraniteti.
Ai në mbledhjen e Këshillit të Përgjithshëm të Lëvizjes Vetëvendosje, ka thënë se vota për specialen është votë për ta pranuar suspendimin e rregullimit kushtetues të gjyqësorit në vend, dhe për ta krijuar hapësirën e një gjyqësori paralel plotësisht të ri, të pavarur nga Kosova, formalisht brenda sistemit realisht jashtë dhe mbi të.
Sipas Ymerit, nëse kushtetuta ndryshohet ajo duhet të sjellë më shumë liri dhe barazi për popullin e Kosovës dhe jo ndryshime që e zgjerojnë dhe thellojnë mungesën e tyre.