Ymeri shpreson në krijimin e Zonës Ekonomike në Llabjan

Gjilan – Ky projekt është shumë i rëndësishëm jo vetëm për komunën tonë, por edhe për komunat e rajonit të Anamoraves sepse për herë të parë do të krijohen mundësit dhe kushtet e përshtatshme për investitorët që në një vend me infrastrukturë përcjellëse të zhvillojnë veprimtarit e tyre. Ne kemi pasur rast të vizitojmë shtetin e Çekisë dhe aty kem pa për së afërmi se si funksionojnë zonat ekonomike dhe sa të suksesshme kanë qenë ato tha Bajrush Ymeri.

Nënkryetari i komunës së Novobërdës, Bajrush Ymeri së bashku me zyrtarin për zhvillim Sabedin Vllasaliu kanë marrë pjesë në konferencën e donatorëve mbi zhvillimin socio-ekonomik në rajonin e Lindjes, që u organizua nga Asociacioni i Agjencioneve për Zhvillim Rajonal (ARDA) -Lindje.

Ymeri tha për rajonipress se në këtë konferencë përveç projekteve që u propozuan nga zyra e AZHR-së për komunat partnere edhe ne si komunë prezantuam projektin e Zonës Ekonomike në fshatin Llabjan, projekt ky që është në bashkëpunim me komunën e Gjilanit.

“Ky projekt është shumë i rëndësishëm jo vetëm për komunën tonë, por edhe për komunat e rajonit të Anamoraves sepse për herë të parë do të krijohen mundësit dhe kushtet e përshtatshme për investitorët që në një vend me infrastrukturë përcjellëse të zhvillojnë veprimtarit e tyre. Ne kemi pasur rast të vizitojmë shtetin e Çekisë dhe aty kem pa për së afërmi se si funksionojnë zonat ekonomike dhe sa të suksesshme kanë qenë ato” tha Ymeri.

Ymeri thotë se me krijimin e hapësirës me kushte përcjellëse për biznese do të hapen vende të reja të punës dhe kjo do të ndikoj drejtpërdrejt në zhvillimin ekonomik dhe krijimin e vendeve të reja të punës.

“Ndërtimi i kësaj Zone Ekonomike ka marre mbështetjen e Ministrisë së Tregtisë dhe Industrisë si dhe ju është bërë studimi i fizibilitetit në beshteje financiare nga USAID-i, Komunat dhe zyrtarët nga shteti i Çekisë. Shpresojë shumë që zyra e Komisionit Evropian do të financoje krijimin e kësaj Zone Ekonomike sepse është një mundësi e mirë për ta ndihmuar komunën në zhvillimin ekonomik” tha Ymeri./rajonipress/