Ymeri: Nesër, goditja përfundimtare kësaj qeverie uzurpatore

Kryetari i Lëvizjes Vetëvendosje, Visar Ymeri, në emisionin “Rrokum Roll” të TV rrokum,ttha se protesta e nesërme do të jetë më e madhja.“Sipas informatave që kemi nga tereni nga vendi dhe jashtë, ka me qenë protesta më e madhe, më madhështore për kundërshtimin e kësaj qeverie”, tha Ymeri.

Për Ymerin, nesër do të fillojë një etapë e re, siç tha ai me pjesëmarrjen e qytetarëve në politikë.

Sipas tij, me pjesëmarrjen e tyre, qytetarët do t’ia japin vulën çështjes së kthimit të Republikës.

Edhe Ymeri si Haradinaj tha se me këtë protestë, do t’i kthehet Republika qytetarëve.

“Fjala përfundimtare politike ka qenë e qytetarit”, ritheksoi Ymeri duke folur rreth “etapës së re”.

Duke e quajtur aparat shtetëror, Ymeri tha se edhe gjykatat që kanë funksion sundimin e ligjit, janë të kapura nga pushteti.

“Mendoj se arrestimet e sotme i përngjajnë shtetit policor, duke i marrë njerëzit për ti penguar ta shprehin fjalën e tyre”, vlerësoi Ymeri, duke kërkuar largimin e institucioneve të kapura nga pushteti.

“Policia ne vend se te jete ne shërbim te qytetareve, po bëhet aparat në mbrojtje te Zajednicës”, tha ndër tjera i pari i VV-së.

“Republika e Kosovës është diçka qe duhet të bëhet bashke. Republika duhet me qene diçka qe jep mundësi, e këtu është krijuar vetëm pamundësi”, tha krejt ne fund Ymeri.