Ymeri kërkon që të hetohet rasti i Arbitrazhit
RajoniPress
12:07, 22 Dhjetor, 2016
Kryetari i Lëvizjes “Vetëvendosje”, Visar Ymeri, në seancën plenare të Kuvendit të Kosovës ka thënë se disa çështje si licensimi i paligjshëm i telekomit, rasti i Arbitrazhit si dhe shitja e shpërndarjes së rrjetit të energjisë elektike për vetëm 26 milionë euro, duhet të hetohen.
Ymeri ka thënë se rastet e fundit që ndodhën e kanë fillin shumë herët nga klani “Pronto” dhe Hashim Thaçi. Ymeri ka thëne se ish-ministri Ahmet Shala ishte personazhi që i realizoi Hashim Thaçit punët e pista.
Ai ka përmendur edhe ish-ministrin e Financave, Besim Beqaj, për shitjen e shpërndarjes së rrjetit të energjisë elektrike për vetëm 26 milionë euro.
Ymeri kontratën e “Z mobile” me PTK-në e ka cilësuar të dëmshme për Kosovën dhe ka kërkuar të jetë objekt i hetimeve.
