Ymeri e quan Veselin koka e uzurpimit të Kosovës

Në emër të GP të Vetëvendosjes, Visar Ymeri pas rikthimit në Kuvend ka folur rreth pronave të uzurpuara dhe bastisjeve që janë bërë kohëve të fundit lidhur me këtë çështje.

Ymeri ka thënë se me bastisjet e fundit, qytetarët janë detyruar të përqendrohen në dy emra të përveçëm Azem Syla e Bedri Selmani gjoja se po luftohet kundër krimit të organizuar dhe uzurpimit të pronave.

“Luftimi i këtij krimi nuk fillon nga këmba e tek koka, por nga koka e tek këmbët, e kokën e tij e kemi në krye të Kuvendit – e ai është Kadri Veseli”, ka thënë Ymeri.

Ai ka shtuar se koka e SHIK-ut që e ka uzurpuar Kosovën tash po shitet si shpëtimtar i saj. /Telegrafi/