Ymeri: Biden po vjen për t’u takuar me protagonistët kryesorë të mafias në Kosovë
RajoniPress
11:21, 16 Gusht, 2016
Ai ka shkruar se Biden po vjen midis epizodave të aferës Pronto 2 për t’u takuar me disa prej protagonistëve kryesorë të mafias në Kosovë.
Lideri i Lëvizjes Vetëvendosje, Visar Ymeri përmes një postimi në rrjetin social ‘Facebook’, ka komentuar viziten e zëvendsëpresidentit amerikan Biden.
Ai ka shkruar se Biden po vjen midis epizodave të aferës Pronto 2 për t’u takuar me disa prej protagonistëve kryesorë të mafias në Kosovë.
Ky është postimi i tij i plotë:
Shpresojmë që ky takim i zëvendëspresidentit amerikan Biden me këta kriminel kosovarë në kostum presidencial e qeveritar do të jetë ndryshe prej të tjerëve. Z.Biden po vjen midis epizodave të aferës PRONTO 2 për t’u takuar me disa prej protagonistëve kryesorë të mafias në Kosovë. Nuk është problemi se kë po e takon e kë nuk po e takon z.Biden.
Është e padrejtë dhe e dëmshme nëse z.Biden nuk e thotë të vërtetën për këta producentë e regjisorë të krimit e korrupsionit në Kosovë. Sepse, para së gjithash, janë fëmijët e uritur e të pashkollë, rinia e gratë e papuna, dhe pleqtë në mjerim që po vuajnë nga seriali PRONTO 2.0.
