Ymeri: Ai që sillte zarfe, sot pranon zarfe me para nga Bechtel Enca

Nënkryetari i Lëvizjes Vetëvendosje, Visar Ymeri pas takimit që pati me Bllokun, u shpreh se Partia Demokratike e Kosovës nuk mund ta imagjinojë vetën në opozitë. “Ne mendojmë që domosdoshmërisht duhet të debatohet. Mënyra se si po sillet PDK-ja ka të bëjë me shumë për atë se nuk mund ta imagjinojë vetën në opozitë”, ka thënë ai.

Ymeri më tej shtoi se Lëvizja Vetëvendosje nuk do t’i përgjigjet takimit të mundshëm më të gjitha subjektet politike.

“Ne ju përgjigjëm dhe i përgjigjemi ftesave të Presidentes, por nuk është nevoja që të takohemi me të gjitha subjektet”, ka deklaruar në fund Ymeri.

Tutje, Ymeri tha: “Nuk ka zarf, sepse vullneti i popullit nuk mund të futet në zarf. Ai që sillte zarfe tani pranon zarfe me para nga Bechtel Enca”. /koha/