Yllka Gashi bëhet Ambasadore

Yllka Gashi po qëndron pak larg aktrimit, por jo edhe aktiviteteve të ndryshme. E famshmja e “Familjes Moderne”, së fundi është shfaqur në një reklamë televizive, për çka thuhet se është paguar mirë.

Yllka, gjithashtu po kontribuon në çështje humanitare. Prej dje, aktorja është bërë edhe zyrtarisht Ambasadore e Organizatës Humanitare “Save the Children” në Kosovë, ku ajo do të jetë pjesë e projekteve mbështetëse për fëmijët në vend. Yllka, menjëherë i është bashkuar një iniciative për gjithë përfshirjen e fëmijëve në arsimim, transmeton Indeksonline.

Kjo fushatë po realizohet në bashkëpunim me Ministrinë e Arsimit, Shkencës dhe Teknologjisë në Kosovë, OJQ “Handikos” si dhe me mbështetjen e Ministrisë së Punëve të Jashtme të Italisë.