Ylli i Kosovës shënon gol të mrekullueshëm për skuadrën e tij

Sulmuesi kosovar Loret Sadiku ka realizuar një supergol për skuadrën e tij Kasimpasa ndaj Besiktasit në Superligën turke.

Kasimpasa është duke fituar 2-0 ndaj Besiktasit pas 45 minutave të parë në stadiumin “Recep Tayyip Erdogan” në Stamboll, raporton Gazeta Express.

Sadiku shënoi pas vetëm 10 minutave lojë duke goditur topin me vollei nga rreth 15 metra largësi, falë një topi të kthyer.

Sadiku është sulmues kosovar dhe momentalisht në pritje të lejes nga FIFA për ta përfaqësuar ekipin kombëtar të Kosovës.

Sadiku ka vetëm tri paraqitje me Kombëtaren e Suedisë U-23, dhe ka refuzuar që të luajë për Kombëtaren e Shqipërisë pasi dëshiron të jetë pjesë e skuadrës së “Dardanëve”. /Gazeta Express/