Yll Ibrahimi talenti i futbollit i cili po i vjen Dritës e futbollit Kosovar

Njëri ndër futbollistët më të talentuar tek grupmoshat e Juniorve U19 të Dritës është mbrojtësi i majtë, Yll Ibrahimi, i cili me lojërat e tija po tregon se do të ketë një ardhmëri të ndritur në futboll.

Ylli i cili nuk i ka mbushur ende 18 pranvera, tani e 10 vite miret me lojën e futbollit për tu bërë një futbollist që po lenë gjurmë në fushat e blerta.

17 vjeqari Ibrahimi, karrierën e ka filluar si sulmues por me ardhjen e trajnerit Genc Sërmaxhaj në pankinës e Dritës, Ibrahimi tani po luan një rol të ri tek “bardhekaltërtit” e Dritës.

Futbollisti Ibrahimi në këtë kampionat të Juniorëve po tregon lojëra tejet cilësore duke shënuar dy gola , ndërsa për sulmuesit kundërshtar është bërë i pakalueshëm.
“Karrierën e kam filluar si sulmues por trajneri tani ka vendosur që roli im i ri të jetë mbrojtës i majtë dhe jam i kënaqur me këtë rol poashtu edhe trajneri im”, ka theksuar talenti Ibrahimi.

Në ndeshjen derbi lokal në mes Dritës e Gjilanit, Ibrahimi ishte golashënues i vetëm i kësaj ndeshje duke i dhuruar skuadrës tri pikë tejet të vlefshme për titull të kampionit.

“Jemi një skuadër shume e mirë dhe e njohim njeri tjetrin, ne po japim më të mirën tonë poashtu edhe
trajneri Sërmaxhaj ka komponuar një skuadër e cila po na bën të japim edhe atomin e fundit të energjisë. Personalisht jam i kënaqur me golin në këtë derbi dhe nëse vazhdojmë me këtë ritëm shpresoj se në fund do të triumfojmë me titull të kampionit”, thekson talenti Ibrahimi.

Skuadrës së Dritës po i vjen një futbollist me cilësi të larta, karakteristik e Ibrahimit gjatë 90 minutave janë kontrollimi I topit por edhe gjuajtjet e lira të cilat i ka tejet precize, shpresohet se shumë shpejt do të ketë edhe një ftesë nga Kombëtarja e Kosovës U19, pasiqë një futbollist siç është Yll Ibrahimi Kombëtarja do të jetë edhe më cilësore./rajonipress/