Ylber Ramadani: Dua të lë gjurmë te Lecce si Hjulmand, refuzova Veronën

Ylber Ramadani është prezantuar përpara mediave dhe tifozëve të skuadrës së tij të re, Lecce.

Në prezantimin si mesfushor i Lecces, lojtari i kombëtares shqiptare theksoi se zgjodhi këtë klub edhe pse kishte ofertë edhe nga Verona.

“Zgjodha Leccen sepse ky klub besoi te mua menjëherë. Ata më donin me këmbëngulje dhe projekti më bindi”.

“Isha gjithashtu i vetëdijshëm për interesin e Veronës, por nuk kisha asnjë dyshim për zgjedhjen e këtij klubi”.

“E di që Hjulmand ishte një lojtar i rëndësishëm këtu, por edhe unë erdha te Lecce për të lënë gjurmën time”, ka thënë Ramadani. /Telegrafi/