Ylber Kastrati: Respekt Lirisë, por pikët mbesin në Gjilan

Gjilan – Ndeshja e javës së 20-të, në Superligën e Kosovës në futboll, në mes Gjilanit dhe Lirisë së Prizrenit e cila zhvillohet të dielën në stadiumin e qytetit në Gjilan, ka zgjuar interesim të madh tek dashamirët e futbollit në qytetin e Gjilanit.

Në “premierat” e tyre pranverore dy skuadrat startuan me fitore, Liria mposhti Vllazninë ndërsa Gjilani si mysafir në sekondat e fundit ka mposht Flamurtarin në Prishtinë.

Për kapitenin e Gjilanit dhe njeherit ndër mbrojtësit më të mirë në Superligën e Kosovës, Ylber Kastrati, ndeshja me Lirinë do të jetë një ndeshje në të cilën kërkohen tri pikë të reja.
“Në respektojmë skuadrën e Lirisë, në radhët e saja ka futbollist me përvojë dhe vete pozita e saj në tabelë dëshmon se është një skuadër e fortë, por skuadra e jonë pikërisht nga kjo ndeshje kërkojmë tri pikë të reja, një disponim i tillë është edhe tek bashkëlojtarët e mijë të cilët do ta dëshmojmë të dielën në qytetin tonë. Ne do të kemi edhe përkrahjen e madhe të tifozëve tanë “Skifterat”, ndërsa kjo fitore do ti dedikohet kryesisë së klubit të cilët vazhdimisht po na përkrahin në çdo moment. Ftojë dashamirët e futbollit që të dielën të stërmbushin shkallët e stadiumit dhe t`ju gëzohemi tri pikëve të reja”, ka bërë të ditur kapiteni Kastrati.

Pas 19-të javëve Gjilani pozicionohet në pozitën e 6-të me 29 pikë, ndërsa Liria në pozitën e 4-të me 31 pikë./rajonipress/