Xhevat Bekteshi, me bagazhin intelektual e profesional, synon ta përfitojë zemrën e elektoratit gjilanas

Gjilan – Xhevat Bekteshi vjen nga fusha akademike, me një biografi të pasur në arsim e shkencë dhe duke pasur këto përvoja dhe këto strategji efektive në domenin e tij, synon ta marrë një ulëse, për të vazhduar me projektet e tij në favor dhe dobi të qytetarëve gjilanas dhe në veçanti në dobi të banorëve të Livoqit.

Hyrja në garë për një pozitë në Kuvendin Komunal, nuk është e rastësishme dhe jo e paqëllimshme. Kështu ka vepruar edhe Xhevat Bekteshi që fatmirësisht vije nga fusha akademike dhe ku besohet e mendohet se inkuadrimi i tij do të jetë dobiprurës për qytetin e Gjilanit.

Bekteshi ka një përvojë të gjatë në arsim, shkencë, në menaxhim e koordinim të fushave të ndryshme jetësore.

Duke i parë mangësitë dhe lëshimet e shumta që janë bërë nga qeveritë komunale ka vendosur që ta ngrisë zërin me shkrime, analiza, komente dhe opinione të fuqishme, duke e vetëdijesuar elektoratin, se ata janë zëri dhe fuqia e madhe për veprim e ndryshim.

“Nuk kam hyrë as për pagë, as për karrierë në këtë garën time politike. Thjeshtë po hy me një synim e qëllim, që të mund të jem një përfaqësues dinjitoz, një zyrtar që punon e vepron për të mirën e publikut dhe të komunitetit. E di mirë mungesën e përfaqësimit sepse kjo po i kushton Gjilanit e Anamoravës dhe na ka kushtuar edhe neve në Livoq, ku jemi përballë me probleme ekstremisht të mëdha dhe kurrë as nuk kemi pasur përkrahje, e as përgjigje nga pushteti komunal” tha Bekteshi.

Bekteshi është i bindur se në Gjilan po ndodhë ndryshimi se kjo qeverisje i ka ditët e numëruara.
“Do të ishte e pafalshme dhe vdekjeprurëse, që Gjilani të vazhdojë me këtë strukturë komunale të qeverisjes, se cila asnjë të mirë, dhe asnjë projekt nuk e ka realizuar deri ne fund. I ftojë gjilanasit dhe bashkëfshatarët e mi të respektuar t`i flasin mendjes e kokës dhe të veprojnë me gjakftohtësi. Ta votojnë këtë ndryshim i cili synim ka progresin dhe lëvizjen përpara të projekteve madhore për Anamoravën e Gjilanin” tha Bekteshi./rajonipress/