Xherdan Shaqiri thotë se do të bëhet menaxher pasi ta përfundojë karrierën

Lojtari kosovar, Xherdan Shaqiri është duke kaluar nëpër një formë mjaftë të mirë te klubi francez, Olympique Lyon, shkruan Zeri.info.

Në gjashtë ndeshjet e para me fanellën e Lyonit, Shaqiri ka shënuar një gol e ka bërë një asistim, duke qenë ndër lojtarët kryesorë te kjo skuadër.

Edhe pse është vetëm 29 vjeçar, gjilanasi ka treguar se do të vazhdoj të mbetet në boten e futbollit, edhe pas përfundimit të karrierës, pasi synon që fillimisht të luaj sa më gjatë, e pastaj të bëhet një menaxher.

‘’Ndihem mirë për aq kohë sa nijet dhe gjuri rezistojnë akoma, unë jam i lumtur. E dua futbollin dhe shpresoj të luaj sa më gjatë”.

“Kur të tërhiqem mendoj se do të qëndroj në botën e futbollit, ndoshta do të bëhem menaxher’’, deklaroi Shaqiri.

Lojtari ka luajtur për shumë klube të mëdha, për Baselin, ku edhe e ka nisur karrieren aty, për Bayern Munichin, Interin, Stoke Cityn dhe së fundmi për Liverpoolin. /Zeri.info.