Xherdan Shaqiri dhuroi dy asistime në fitoren e Chicago Fire ndaj Charlotte

Ylli shqiptar, Xherdan Shaqiri ka dhuruar dy asistime në fitoren e sotme (e diel) të skuadrës së tij Chicago Firoe në Mayor League Soccer.

Chicago Fire ka marrë një fitore të madhe në udhëtim te Charlotte me rezultat 3-2.

Njëri nga më meritorët në këtë fitore të mysafirëve padyshim se ishte ylli shqiptar, Xherdan Shaqiri.

Djaloshi nga Gjilani arriti të ishte vendimtar duke dhuruar dy asistime për Chicago dhe falë tyre erdhi edhe fitorja.

Asistimi i parë i Shaqirit erdhi në minutën e 24-të për Federico Navarro, i cili shënoi për 1-2, ndërsa në minutën e 52-të, gjilanasi asistoi për Kacper Przybylko që vulosi rezultatin përfundimtar 2-3.

Me këto dy asistime, Shaqiri shkon në kuotën e 11 sosh, teksa ka shtuar edhe katër gola deri tani. /Telegrafi/