Xhenxhefili çudibërës – pakëson të vjellat dhe zbut dhimbjet në lukth

Pos se në rastet më të shpeshta përdoret si erzë, xhenxhefili posedon efekte të forta shëruese. Kryesisht përdoret kundër mundimeve dhe qetësimit të simptomave të lukthit të irrituar, por edhe gjatë shtatzënisë pakëson dhe ndalon të vjellat dhe mundimet e mëngjesit.

Hulumtimet kanë vërtetuar se kjo bimë posedon edhe efekt të fortë kundër inflamacioneve, e mund të përdoret edhe në shërimin e dhimbjeve të kokës dhe dhimbjeve të shkaktuara nga artriti. Në Kinë kryesisht përdoret në kombinim me sheqerin e vrugtë për zbutjen e ngërçeve menstruale.

ÇAJI NGA XHENXHEFILI I FRESKËT

Çaji nga xhenxhefili mund t’ju ndihmojë te dhimbjet në lukth, por konsiderohet si ilaçi më i mirë natyral kundër ftohjes, gripit dhe dhimbjeve në fyt. Në një enë shtrydheni lëngun nga xhenxhefili i copëtuar dhe e përzieni me ujë të ngrohtë. Këtë pije mund ta ëmbëltoni me mjaltë.