Xhentian Jetishi, këngëtari gjilanas që po kërkohet nga publiku

Gjilan – Këngëtari gjilanas Xhentian Jetishi është këngëtar profesionist dhe krahas punës së tij profesionale dhe edukimit që bënë për brezat e rinj, çdo ditë e më shumë po pëlqehet dhe kërkohet nga publiku.

Xhentian Jetishi pos këngës dhe dëshirës për të qenë sa më afër publikut ai njëkohësisht punon edhe në shkollën e mesme të muzikës në Gjilan dega Solo – këndim. Xhentian Jetishi këndon një kohë të gjatë nëpër ahengje të ndryshme familjare, në dasma e gazmende ceremoniale.”Jam i kënaqur me paraqitjet e mija sepse kudo që shkoj marrë duartrokitje nga publiku. Është ndjenjë dhe kënaqësi e madhe kur ke një publik të mrekullueshëm i cili din të bëjë dallimin në mes të profesionales dhe këngëve që këndohen për çështje komerciale” shprehet Jetishi për rajonipress.

Ajo çka e bënë të veçantë këtë këngëtar është shkollimi i tij në sferën e muzikës dhe edukimi i brezave të rinj.

Jetishi thotë se është krenar me punën e tij, por edhe më krenar ndihet me rezultatin dhe suksesin e arritur tek gjeneratat e reja pasiqë ka nxjerr gjenerata e nxënës të shkëlqyer në degën e solo – këndimit që sot ata janë shumë të suksesshëm në artin dhe kulturën muzikore në Kosovë.”Fatmirësisht kemi talent të shumtë që dijnë të tregojnë vlerat e tyre. Neve na mbetet që ata t`i përkrahim dhe ti avancojmë tutje” shprehet Jetishi./rajonipress/