Xhemajl Salihu: Ja pse dhashë dorëheqje nga kryesia e PDK-së në Gjilan

Gjilan – Xhemajl Salihu thotë për rajonipress se ka dhënë dorëheqje nga kryesia e degës së PDK-së për shkak të pakënaqësisë dhe trajtimit jo të meritueshëm nga ana e kryesisë qendrore. Salihu tha se megjithatë mbetet anëtar i Këshillit Drejtues në PDK.

Xhemajl Salihu ka bërë të ditura arsyet e dorëheqjes nga kryesia e PDK-së në Gjilan. “Kam dhënë dorëheqje nga kryesia për shkak të pakënaqësisë së madhe që kishim ndaj qendrës e cila nuk po e trajton meritueshëm degën e Gjilanit. Asnjë kuadër i PDK-së nga Gjilani nuk po sistemohet në qeverinë e koalicionit” tha Salihu, raporton rajonipress.

Salihu tha se arsye tjetër pse ka ofruar dorëheqje është edhe fakti se dega e PDK-së në Gjilan është shumë pasive sepse ne ende s`kemi asnjë analizë pse kemi humbur në zgjedhjet e fundit.

Megjithatë Salihu tha se vazhdon të mbetet në Këshillin Drejtues për të dhënë kontributin e tij në PDK./rajonipress/