Xhemaili tregon për ‘ofertën’ e Young Boysit

Blerim Xhemaili ka sqaruar gjithçka atë që u shkrua se ka marrë një ofertë 10-vjeçare nga skuadra zvicerane Young Boys Bern.Ishte e përditshmja zvicerane, ‘Blick’, ajo që shkroi ditë më parë se Xhemaili ka marrë ofertë 10 vjeçare nga Young Boys Bern, pesë vite si futbollistë dhe pesë të tjera si drejtori sportiv.

Lojtari ka përgënjeshtruar atë lajm nëpërmjet një postimi që ka bërë në llogarinë e tij në ‘Twitter’.

“Rreth thashethemeve të Blickut: Nuk është e vërtetë që Young Boys më ka ofruar kontratë 10-vjeçare. Do të ishte e pakuptimtë për mua ose për ta, për të arritur marrëveshje kaq të gjatë. Unë nuk kam vendosur ende se cila do të jetë e ardhmja ime. Kur kjo të ndodh, të gjithë njerëzit do të dëgjojnë. Blerimi”, shkroi Xhemajli.

Xhemaili është pjesë e skuadrës turke Galatasaray, ndërsa pritet të largohet nga Stambolli pasi ka disa oferta të rëndësishme nga Italia, Anglia, Zvicra e Gjermania. /Telegrafi/