Xhemaili shënon tjetër gol në Amerikë, impresionon bashkëlojtarët

Futbollisti shqiptar, Blerim Xhemaili ka shënuar tjetër gol në Amerikë. Duket se ai është adaptuar për mrekulli te skuadra e tij Montreal Impact, ku për katër ndeshje sa ka zhvilluar ka shënuar tri gol.

Mesfushori i Kombëtares zvicerane realizoi një gol të bukur dhe vendimtar për fitoren minimale 1 me 0 kundër Neë York Red Bulls.

Pas ndeshjes ai u mbulua me deklarata pozitive nga bashkëlojtarët, duke thënë ata se shqiptari po bënë një punë të shkëlqyer që nga ardhja e tij.

“Ai është në një proces të të mësuarit në këtë ligë. Ai sonte ishte njeriu i ndeshjes”, ka thënë portieri i Montrealit Evan Bush.

“Ai është lojtar me cilësi, dhe kjo vetëm sa ka nisur”, ka thënë menaxheri Mauro Biello.

Me këtë fitore skuadra e shqiptarit tani radhitet në pozitën e 10- me 16 pikë, por ka dy ndeshje më pak të zhvilluar./IndeksOnline/