Xhemaili largohet nga Napoli në verë
RajoniPress
20:35, 5 Mars, 2013
Mesfushori shqiptar Blerim Xhemaili pritet që gjatë afatit kalimtar të verës të gjejë një skuadër tjetër. Ai nuk është i kënaqur me rolin që ka te Napoli dhe ka kërkuar që të largohet gjatë verës së këtij viti. “Aventura e Xhemailit te Napoli është e përfunduar.
Ai tashmë ka kërkuar të largohet nga Napoli, pasi nuk është i kënaqur me rolin e rezervistit dhe atë në fushë që po detyrohet të luaj nga trajneri Walter Mazzarri, si mesfushor defensiv’, shkruan të hënën ueb faqja “sportevai.it”.
Për Xhemailin 26-vjeçar, interesim kanë shprehur skuadrat italiane të Serie A, Torino, Udinese e Parma. Ai me Napolin ka kontratë deri në qershor të vitit 2015. Në 23 paraqitje në Serie A këtë edicion ka shënuar një gol dhe ka kontribuar me një asistim.(koha)
