Xhemaili i lumtur me golin edhe fitoren

Ky ishte goli i parë në ndeshjen e parë, që u rikthye te Bologna.

Mesfushori shqiptar, Blerim Xhemaili u kthye furishëm në Bolognë, duke realizuar qysh në ndeshjen e parë.

Xhemaili shënoi një gol të bukur, që ishte i treti për skuadrën e tij në fitoren 3:0 ndaj Beneventos në shtëpi.

“Ka qenë një ndjenjë e mirë të kthehet me fitore. Mendoj se ky stadium më sjell fat. Jam i lumtur që skuadra fitoi, sepse kemi punuar shumë”, deklaroi Xhemaili për mediat italiane.

Ai shpreson se do të fitojnë edhe ndaj Napolit në fundjavë, edhe pse do të jetë shumë vështirë. Më herët Xhemaili ka luajtur pikërisht në Napoli.

Xhemaili kaloi gjashtë muaj në Montreal Impact, megjithatë, dëshiroi që të kthehet në Itali, që të jetë në formë të mirë për Kampionatin Botëror.

http://www.albinfo.ch/xhemaili-lumtur-golin-edhe-fitoren/