Xhemaili: I frikësohemi ndeshjes së parë në Euro 2016, por jo Shqipërisë

“I frikësohemi përballjes së parë në Euro 2016, por jo për faktin se do të luajmë kundër Shqipërisë”, kështu ka thënë për mediat zvicerane Blerim Xhemaili.Mesfushori shqiptar që luan për Zvicrën, Blerim Xhemaili, mendon se ndeshja e parë në Euro 2016 do të jetë vendimtare për kalimin në fazën tjetër.

Në një intervistë për mediat zvicerane, Xhamaili ka thënë se të gjithë i frikësohen përballjes së parë të Zvicrës, por jo për shkak se do të luajnë me Kombëtaren shqiptare.

“I frikësohem përballjes së parë, por jo për faktin se do të luajmë kundër Shqipërisë, por sepse është loja e parë që të jep besim dhe moral për vazhdimin e evenimentit”, ka thënë mesfushori shqiptar nga Maqedonia për mediat zvicerane.

“Në fund, janë vetëm tri ndeshje në kompeticion si kjo dhe nëse fillon keq, e bën gjysmën e rrugës për t’u kthyer në shtëpi. Ne do të përballemi me tri skuadra të forta dhe Franca sipas meje është favorite. Ndër të tjera, ne do të luajmë ndaj të gjithëve”, përfundoi përfaqësuesi zviceran. /Express/